Gamle ord og uttrykk
uttrykk
øyreklut. Dette var den første av tre klutar som dei hadde kring eit lite barn som skulle til dåpen. Den andre kalla dei sėlkje'klute, silkeklut. Han var det fargar på. Den tredje og ytste kalla dei rau'ækkte, raudekte, bomullsstoff med farge på
raudekte, bomullsstoff med farge på, namn på den ytste av dei tre klutane som barnet skulle ha på seg når det vart døypt
vorren 1) ytste kanten av ei bryggje 2) bylgjene etter ein robåt. Dei tala om likvȯrrinj. Når det laga seg straumdrag i vatnet som likna på vorren etter ein båt, varsla det likferd - på Jølstravatnet
skult, eit berg som stikk fram
flobenken, isbelte langs fjæra. 1-2 meter breitt. Når isen la seg, fraus han fast i fjøresteinane. Sidan seig vatnet gjerne, men isen i strandkanten vart liggjande. Dette isbeltet vart kalla 'flobenkjinj
floke, slå flokje, slå armane kring brystet når ein frys
dei kunne seie sippekauren når dei kalla på ein bestemt sau
bisken, frukosten, første måltidet om morgonen
dassfadder, ein/ei som fylgde eit barn på do, i sær når det var mørkt og uhyggeleg om kvelden